ალექსანდრა პაიჭაძემ გუშინ 20 წლით უფროსი საყვარელი მამაკაცი გამოაჩინა. ბიზნესმენი დავით კოდუა უკვე ერთი წელია, რაც მოდელთან და ტელესახესთან ერთად ცხოვრობს.
ალექსანდრამ დღეს სოციალურ ქსელში დაწერა, რომ მისი და კოდუას ფოტოები სთორიში 200 ათასმა ადამიანმა ნახა. წყვილი ნოემბერში საერთო შვილს, გოგონას ელოდება.
ამბები მას ესაუბრა.
– ალექსანდრა, დიდხანს მალავდით საყვარელ მამაკაცს, მალე ბავშვს ელოდებით და საზოგადოებას უკვე თქვენი მეორე ნახევარიც გამოუჩინეთ…
– 1 წელია, ერთად ვცხოვრობთ. 2 წელია ერთად ვართ. ჩემთვის ნომერ პირველი მამაკაცია, ღირსეული თვისებების, ადამიანობის, სულგრძელობის და კეთილი გეგმების გამო. ასევე იმიტომ, რომ უდიდესი სტიმული მომცა, მისი დეპრესიული და სტრესული ცხოვრება გამელამაზებინა და გამეხალისებინა.
ასეთ დაკონსერვებულ ქალაქში, სადაც ყველა ერთმანეთზე ჭორაობს, ქილიკობს და სეირს უყურებს, ყველა სტერეოტიპს დავამსხვრევ, რაც ჩვენ ცნობიერში ჩაბეჭდა წლებმა. ამას გულით ვგრძნობ, რომ ძლიერი მამაკაცი დავიმსახურე და ჩემს გვერდით უფრო ძლიერი გახდება.
– ფოტოებზე დაწერე მისის და მისტერ კოდუა, ოფიციალურად დაოჯახების შემდეგ, მეუღლის გვარზე ხომ არ აპირებ გადასვლას?
– კი, კი, ქორწინებას და თეთრ კაბასაც დავაანონსებთ მალე. გვარზე არ გადავალ, მაგრამ მივიწერ სიამოვნებით – პაიჭაძე-კოდუა ვიქნები.
ამბები