მომღერალსა და კომპოზიტორს, დათო არჩვაძეს პირველი შვილის ნახვის შესაძლებლობა დღემდე არ აქვს. ის და მომღერალი სოფო კუჭავა წლების წინ გაშორდნენ და მას შემდეგ მამას შვილთან ურთიერთობის ბარიერი შეექმნა. ამის შესახებ დათომ ია ფარულავას გადაცემა ,,ფარულ კონვერტში” ისაუბრა:
-ჩვენს ურთიერთობაში არა მარტო მშობლები ჩაერიენ, ყველა ჩაერია. პირველი ორი წელი ძალიან ცუდად ვიყავი, მაგრამ ორი წლის თავზე წერტილი დავსვი… სასამართლოთი მეკუთვნის ბავშვის წამოყვანა, ერთი ღამით დარჩენა, მაგრამ ბავშვის ცნობიერებაში დააფიქსირეს, რომ მამას არ უნდა გაჰყვეს. პატრულიც დამხვედრია იქ მისულს… ერთხელ ლიფტის კარი გაიღო და ვხედავ ჩემს შვილს. იმდენად დიდი შოკი მივიღე, ოთხი წლის უნახავ შვილს რომ შეხვდები, უკვე რომ ვერც იცნობ კარგად და თვალებით რომ ამოიცნობ… მივედი, მოვკიდე ხელი, შუბლზე ვაკოცე და მამიკო, მიყვარხარ-მეთქი. მეცო, მითხრა და ის ,,მეც“ იყო ჩემთვის ყველაფერი… იყო პერიოდები, დიდი კონფლიქტით მომყავდა ბავშვი, მაგრამ ეს არ არის გამოსავალი, ბავშვის ფსიქიკას ვუფრთხილდები, – მოყვა დავით არჩვაძე.
მან ოჯახი მეორედ შექმნა ეთუნა ფარეხელაშვილთან.
-ეთომ დაურეკა სოფოს, უნდოდა ჩემი შვილის გაცნობა, მაგრამ აბსურდული უარი მიიღო. სანამ დიდი ქალი არ გახდება, არ უნდა გაიგოს შენი ცოლ-შვილის არსებობაო, – გაიხსენა მომღერალმა.