მსახიობი თათული ედიშერაშვილი სოციალურ ქსელში კოვიდაცრის თავის ისტორიას ყვება:
,,ძალიან მომზადებული გამოვცხადდი იმაზე ფიქრით, რომ ჩემ თვალწინ გახსნიან ,,ფაიზერის” ჩემს წილ დოზას. კარგად წავიკითხავ, თვალით ვანიშნებ _ ,,მიდი-თქო”. ყველაფერი გეგმის მიხედვით წავიდა.
ნემსის გაკეთებიდან ზუსტად 2 წუთში, ალბათ წამალიც ვერ შეაღწევდა ორგანიზმში, სკამზე ჩამოსკუპებულს დამეწყო განცდა, რომ ვერ ვსუნთქავდი, დავბუჟდი და ნერწყვს ვერ ვყლაპავდი. ეგრევე დამავლო ხელი ჩემმა ბიჭუნამ და შემაქანა ოთახში. ნახეთ, რა მოხდა, ერთი აბი ,,ვალიდოლი” ენის ქვეშ და ღიმილიც დავიწყე.
არადა დარწმუნებული ვიყავი, ანტივაქსერების დამოძღვრებს ვატარებდი და არც ვუსმენდი. ქვეცნობიერში მაინც შეუღწევია და თავისი ქნა. არაფერი, გადასარევად ვგრძნობ თავს.
ეს ბიჭი მიშკაა, ვინც არ იცით, საჯაროობა არ უყვარს, მაგრამ ნახევარი სახე მაინც არ უჩანს და გავუბედე. დღეს მეორე დოზა გაიკეთა და უმშვიდესია, როგორც ყოველთვის.
ჰოოო, ალბათ ამ ბიჭის ამბავიც არის ჩემი გულის პრანჭვები. ისე პრინცესულად ამიტანა კლინიკის მოსაცდელში და მიმაწვინა პალატაში საწოლზე, კითხვაც არ დაუსვამს, თუ შეიძლებოდა. ეგეც ქვეცნობიერია, რა. აბა, არ წამომყოლოდა, თუ გავხდებოდი ცუდად?! ჰოდა, დაე, ვსვა ბევრი ,,ვალიდოლი” და ვინავარდო დიდხანს”.
ფოტოზე ქმართან, მიშა ჩიმჩიურთან ერთად