დები ანი და ნანუკა გუდავაძეები, როლებსაც ქართული საზოგადოება ორი წლის წინ არ იცნობდა, შეიძლება ითქვას, რომ წარმატებულად გათხოვდნენ.
ნანუკა გუდავაძე ბერა ივანიშვილის ცოლია. ყოფილი მოდელი დღეს შვილის აღზრდით არის დაკავებული. ცნობილია, რომ ივანიშვილების ოჯახი კარანტინის დროს მოსახლეობის განწყობაზე ზრუნავდა და “ტიკ-ტოკზე” ვიდეოებს აქვეყნებდა, რაშიც ჩართული იყო ახალი ნამშობიარები ნანუკაც.
ანი გუდავაძე ნანუკაზე ადრე გათხოვდა და დის ქორწილს ორსული ესწრებოდა. მისი მეუღლე ბიზნესმენი ნიკა ფიცხელაურია, მამამთილი კი, ყოფილი ძიუდოისტი შენგელი ფიცხელაური, რამდენიმე თვის წინ სუს-ის უფროსის მოადგილედ დაინიშნა.
შენგელი ფიცხელაური მანამდე შს მინისტრ გიორგი გახარიას მრჩეველი იყო. ის ძალოვან უწყებებში ჯერ კიდევ საბჭოთა კავშირის დაშლამდე, 1976 წლიდან სხვადასხვა თანამდებობაზე მუშაობდა. ედუარდ შევარდნაძის ხელისუფლებაში ყოფნისას ის უშიშროების სამინისტროს საგამოძიებო სამსახურის უფროსი იყო. სპეცსამსახურებიდან შენგელი ფიცხელაური 2003 წელს გაუშვეს.
ანი გუდავაძის სტილი ძალიან ჰგავს პოპულარული დის სტილს.
გოგონებს ახალგაზრდა დედა ჰყავთ, რომელსაც ვაკეში ერთ-ერთი ძვირადღირებული სალონი აქვთ, რომლის მენეჯერიც ანი გახლავთ.
ამბები