მმართველი პარტიის ლიდერი ბიძინა ივანიშვილი პირველი შვილიშვილის ბაბუა გახდა. ბერუკა ივანიშვილი 29 ნოემბერს საჩხერის რაიონის სოფელ ჭორვილაში, ივანიშვილების რეზიდენციაში გაჩნდა.
ამბები.ჯი-ს ინფორმაციით, ივანიშვილებმა სპეციალურად ავსტრიიდან ჩამოიყვანეს მეან-გინეკოლოგი და სანიტრების ჯგუფი.მშობიარობას ასევე ესწრებოდა ოჯახის ნდობით აღჭურვილი მეანი საჩხერის სამედიცინო ცენტრიდან.
ჭორვილას სახლში სპეციალურად მოაწყვეს სამშობიარო ბლოკი და ინკუბატორიც კი ახალშობილისთვის, თუ ამის საჭიროება იქნებოდა.
დედა-შვილი თავს კარგად გრძნობენ.
სახლში მშობიარობა მსოფლიოში საკმაოდ გავრცელებული ტენდენციაა. ამ გზით მშობიარობის მომხრეები მიიჩნევენ, რომ სახლის გარემო დედისა და ახალშობილისთვის გაცილებით უსაფრთხო და ოჯახურია, ვიდრე სამშობიაროს პალატა. ამერიკაში, ინგლისსა და საფრანგეთში უკვე ასობით შემთხვევაა, როდესაც ქალები საკუთარი სურვილით ირჩევენ შინ მშობიარობას.
მშობიარობის ამ ფორმას ირჩევენ უცხოელი ვარსკვლავებიც. მაგალითად, სინდი კროუფორდმა ორივე შვილი სახლში გააჩინა და მას მეუღლე და სამი ბებიაქალი ეხმარებოდნენ. სახლში იმშობიარა სუპერმოდელმა ჟიზელ ბუნდჰენმა, ევა რეიჩელ ვუდმა, ჰილარი დაფმა და პამელა ანდერსონმა, რომელმაც ორივე შვილი სახლში გააჩინა.
ამბები.ჯი