სალომე ჭაჭუა 13 წლის იყო, როცა პარკეტზე საცეკვაოდ დადგა და მას შემდეგ სპორტულ-სამეჯლისო ცეკვებში გამორჩეული სახეა. რეპეტიციები, იოგა, ბალეტი, ქორეოგრაფია – ეს მისი ყოველდღიურობაა.
-ცეკვა საკმაოდ გვიან დავიწყე, 13 წლის ვიყავი. უმჯობესია, თუ ცეკვას 7 წლიდან დაიწყებენ, რადგან ბავშვი ამ დროს უკვე ჩამოყალიბებულია, უფრო კარგად აზროვნებს.
თავიდანაც და ახლაც ასე ვარ – დღეში 2-ჯერ ან 3-ჯერ ვვარჯიშობ. თითო ვარჯიში 3 საათზე მეტხანს გრძელდება. თუ ცეკვის რეპეტიცია მაქვს, 3-4 საათი ვვარჯიშობ, თუ იოგა მაქვს – 2 საათი, თუ ბალეტი – საათნახევარი. ეს, რა თქმა უნდა, გადანაწილებულია კვირის დღეებზე. პლუს, ვმუშაობ, საკუთარი სტუდია მაქვს, – ამბობს ჟურნალ ,,სარკესთან” სალომე ჭაჭუა.
