გამომძიებელ ჟურნალისტზე, „სტუდია მონიტორის“ დამფუძნებელ ნინო ზურიაშვილზე თავდასხმები არ წყდება. დღეს მისი ავტომობილი დააზიანეს.
„უკვე მესამე დღეა, გრძელდება ხელისუფლების უმოქმედობისგან წახალისებული ტერორი „სტუდია მონიტორისა” და მისი დამფუძნებლის, ნინო ზურიაშვილის წინააღმდეგ. დღეს დილით ნინო ზურიაშვილის კუთვნილი ავტომანქანა დააზიანეს. ასევე, მისი საცხოვრებელი სახლის ფასადზე გააკრეს შეურაცხმყოფელი პლაკატები – ის ფაქტი, რომ ხელისუფლება და სამართალდამცავი ორგანიზაციები არ რეაგირებენ ჟურნალისტებზე მსგავსი თავდასხმის შემთხვევებზე, გვაფიქრებინებს, რომ ამ ფაქტების მიღმა სწორედ ხელისუფლება დგას”, – ამის შესახებ “სტუდია მონიტორის“ მიერ გავრცელებულ ინფორმაციაშია ნათქვამი.