,,ლაღიძის კაფეში, რუსთაველზე მხოლოდ რუსული მენიუ აქვთ! მრცხვენია, რომ მონური სული მძვინვარებს” – რას წერს თომა ლიპარტიანი

,,ლაღიძის კაფეში, რუსთაველზე მხოლოდ რუსული მენიუ აქვთ! მრცხვენია, რომ მონური სული მძვინვარებს" - რას წერს თომა ლიპარტიანითომა ლიპარტიანი სოციალურ ქსელში წერს, რომ ,,ლაღიძეში” მენიუ მხოლოდ რუსულ ენაზე ჰქონდათ შედგენილი.
,,28 ივლისს, სანისთან (ჩვენი ამერიკელი მღვდელი) ერთად ლაღიძის კაფეს ვესტუმრე, რუსთაველზე. როცა მენიუ მოვიძიეთ, აღმოჩნდა, რომ მხოლოდ რუსული აქვთ, არც ქართული და არც ინგლისური. კიდევ ერთხელ – მხოლოდ რუსული მენიუ აქვს კაფეს, რომელიც თბილისის გულშია.
რა თქმა უნდა პროტესტი გამოვხატე, მიმტანმა პასუხისმგებლობა მოიშორა და მასზე ზემდგომი მოიყვანა, რომელმაც მითხრა, რომ ქართული მენიუები გაუთავდათ (ეს რა ფენომენია? მენიუ როგორ უნდა გათავდეს?) და დღეს ახალს მოიტანენო, ორი დღეა, რაც არ გვაქვსო.
მიმტანს ვეკითხები – აქ თუ გინახავთ ქართული მენიუ-მეთქი, მპასუხობს – არაო. ვეკითხები, აქ რამდენი ხანია რაც მუშაობთ-მეთი და მიპასუხა, სამი კვირაო.
ანუ მინიმუმ სამი კვირაა, ოპერის მეორე მხარეს, შუაგულ თბილისში, აქვთ მხოლოდ რუსული მენიუ. არ მინდა, შეფასება გავაკეთო, უბრალოდ მრცხვენია,  რომ მონური სული იმაზე მეტად მძვინვარებს, ვიდრე ოდესმე”, – წერს თომა ლიპარტიანი.