სომეხმა ე.წ კანონიერმა ქურდმა არმენ კაზარიანმა, მეტსახელად პზომ, 21 წლის ქალიშვილს ერევანში გრანდიოზული ქორწილი გადაუხადა. დიანა კაზარიანი ცოლად გაჰყვა სომხეთის ტრანსპორტის ყოფილი მინისტრის, ედუარდ მადატიანის ოჯახის წევრს. ქორწილში გოგონას ერთ-ერთი ყველაზე ძვირადღირებული დიზაინერის – ზუჰაირ მურადის (Zuhair Murad) კაბა ეცვა. ასობით სტუმრის გართობაზე რუსული ესტრადის ვარსკვლავები ზრუნავდნენ, მათ შორის სოსო პავლიაშვილი. საქორწილო ტორტი რამდენიმეტრიანი იყო.
ქორწილში სტუმრების ავტომანქანებს შორის ქართული და რუსული სახელმწიფონომრებიანი ავტომანქანებიც შენიშნეს.
პზო ,,კანონიერ ქურდად” 1991 წელს ,,მონათლეს”. 1996 წლიდან 2018 წლამდე კაზარიანი აშშ-ში ცხოვრობდა, სადაც დანაშაულებრივ სინდიკატს ხელმძღვანელობდა, რომლის შემადგენლობაში სომეხი ემიგრანტები შედიოდნენ.
კაზარიანის ერთ-ერთ ყველაზე გახმაურებულ საქმედ მრავალმილიონიანი ქურდობის ორგანიზება ითვლება, რომელიც აშშ-ს ფედერალური ჯანმრთელობის დაზღვევის პროგრამასთან იყო დაკავშირებული. მაქინაციის წყალობით, 165 მილიონი დოლარი იშოვა.
2010 წლის ოქტომბერში კაზარიანი აშშ-ს სასამართლომ ერთ-ერთ საქმეზე დამნაშავედ ცნო და მან ციხეში 37 თვე გაატარა. სასჯელის ვადის ამოწურვის შემდეგ კი ის ქვეყნიდან გამოაძევეს.
ამბები.ჯი