პოპულარული სიმღერების ავტორი და შემსრულებელი გიორგი წერეთელი და მომღერალი ლოლა წერეთელი ყოველთვის შეხმატკბილებული წყვილის შთაბეჭდილებას ტოვებენ. თუმცა ცოტა ხნის წინ ,,რეიტინგმა” გამოაქვეყნა წერილი, სათაურით ,,რესტორნის ვარსკვლავების ოჯახი დაინგრა?”. ლოლა იმავე საინფორმაციო სააგენტოსთან ამბობს, რომ ეს არის ჭორები:
– ჭორების ქვეყანა გახდა საქართველო, მეტი პრობლემა არ აქვს ხალხს. მე ისევ ქმართან ერთად ვცხოვრობ. ყველა ოჯახში ჩხუბობს ცოლი და ქმარი, მაგრამ ეს იმას არ ნიშნავს, რომ ცალ-ცალკე ვცხოვრობთ.
ჩვენ აღარ ვმუშაობთ რესტორანში და ალბათ აქედან გაჩნდა ეს ჭორები. როგორ ვიმღერებთ რესტორანში, ახლა ისრაელში მივდივართ, შემდეგ მოსკოვში და ა.შ., ფიზიკურად დრო აღარ გვაქვს რესტორანში სამუშაოდ.