მსახიობ კახი კავსაძის შვილიშვილი, ირინკა კავსაძე, ამერიკიდან საქართველოში ჩამოვიდა პროექტისთვის ,,ცეკვავენ ვარსკვლავები”. როგორც ამბები.ჯი-სთან ირინკას მამიდა, მსახიობი ნანუკა ხუსკივაძე ამბობს, მას ძმისშვილმა რჩევისთვის დაურეკა. ქალბატონმა ნანუკამაც დაუფიქრებლად უთხრა, რომ კონკურსანტი გამხდარიყო. მისი თქმით, ბაბუა, კახი კავსაძე ძალიან ნერვიულობს.
-ძალიან ღელავს. ახლა იმაზე წუხს, ძალიან იღლებაო… რაღაც მიზეზებს ეძებს, რომ უფრო მეტი ინერვიულოს. მე კი ირინკას სულ ვეუბნები, რომ ფსიქოლოგიურად ყველაფრისთვის მომზადებული უნდა იყოს, მაგრამ იმდენად გულუბრყვილო და სუფთა ადამიანია, რომ თავში არ მოსდის რაიმე მზაკვრობა და ბოროტება.
გარეგნულად უფრო ბაბუას ჰგავს. მას დედამისისგან ბევრი კარგი რამ აქვს აღებული და ამასთან, ჰგავს კიდეც. ბელას ბუნებით და ხასიათით ვამსგავსებთ. ყველგან, სადაც უნდა მივიდეს, პოზიტივს ასხივებს და ვფიქრობ, სწორედ ამ მთავარში ბებიას ნამდვილად ჰგავს, – ამბობს ქალბატონი ნანუკა.
ამბები.ჯი