უკრაინის რადას ყოფილი დეპუტატი ბორისლავ ბერეზა წერს: ,, ჩვენ ახლახან მოვიგეთ ომი, ყოველ შემთხვევაში, ლოკალური მაინც. 3 საათის განმავლობაში ირპენში, ბუჩაში, სტოიანკაში და ვორზელში ოკუპანტებისთვის ჯოჯოხეთი ტრიალებდა,, ცა ცეცხლის ალში იყო გახვეული. ეტყობა ჩვენები სერიოზულად გაბრაზდნენ. ალყაში მოქცეული რუსი ორკების ფეხქვეშ მიწა იწვოდა. მეეჭვება, ოკუპანტებისგან იქ ვინმე ცოცხალი გადარჩენილიყო. ჩვენები ესროდნენ რაკეტებს, გრადებს და კიდევ […]
სამხედრო ექსპერტი გიორგი თავდგირაძე საიმედო პროგნოზს აკეთებს. მან ცოტა ხნის წინ დაწერა: ,,კადრები, რომლებიც იდება და ინფორმაციები, რომლებიც ჟონავს, იძლევა საშუალებას, გაკეთდეს წინასწარი შეფასება, რუსეთის შეტევების პოტენციალი საბოლოოდ განადგურდა და იწყება რუსული არმიის მართვის მოშლა შეხების მთელ ზოლზე, რომელიც ორ დღეში არმიის სრული ჩამოშლით შეიძლება დასრულდეს…”
ბოლო დროს რუსული პროპაგანდისტული მედია და ფეისბუქჯგუფები აქტიურად ავრცელებენ ინფორმაციას, რომ საქართველო თუ ნეიტრალიტეტს ოფიციალურად გამოაცხადებს, მას ექნება შანსი, დაიბრუნოს ის ტერიტორია, რომელიც სსრკ-ს დაშლამდე ჰქონდა. იმავეს იმეორებს სანდრო ბრეგაძე და მის ,,ხელთ არსებულ დადასტურებულ ინფორმაციაზე” დაყრდნობით წერს: ,,აღარ არის კეკლუცობის დრო და პირდაპირ უნდა ითქვას. დღეს არსებულ მძიმე გეოპოლიტიკურ კატასტროფაში ქართული სახელმწიფოს უმთავრესი ამოცანაა […]
,,შეაჩერე კორუფციის” ერთ-ერთი დამფუძნებელი, ვატო გელაშვილი დაჭრილია, მაგრამ მძიმედ არ არის – ამის შესახებ მისი მეგობარი ქეთევან ენუქიძე წერს: ,,ვატო დაჭრილია, ოღონდ, როგორც ჩანს, მძიმედ არ არის, რადგან ბაზაზე წევს და სავადმყოფოში არ გადაუყვანიათ”. დღეს, გამთენიისას დაიბომბა იაროვოს სამხედრო ბაზა, სადაც ვატო გელაშვილი იმყოფებოდა. გავრცელებული ინფორმაციით, 134 პირი დაიჭრა.
ვანო ნადირაძე, რომელიც უკრაინაში რუს ოკუპანტებს ებრძვის, სოციალურ ქსელში ვიდეოს ავრცელებს, სადაც ყველას მიმართავს, რომ დეზინფორმაციას ნუ ავრცელებენ და ნუ იტყუებიან, თითქოს კევი ალყაში იყოს. -ვკითხულობ და ტელევიზიიდანაც ვისმენ, რომ კიევი ალყაშია. ეს არის სისულელე! ნუ დაუჯერებთ ამ ტყუილებს, კიევი ალყაში არ არის და არც იქნება! მე მოგაწვდით ოპერატიულ ინფორმაციებს. მე დაგისახელებთ, სად არიან რუსები […]
გაზეთ ,,ქრონიკა +”-ის რედაქტორი, ელისო კილაძე წერს, რომ პუტინის მკვლელობამდე წამზომი ჩართულია და მას ძალიან ცოტა დრო დარჩა. ,,ამერიკის დაზვერვამ გამოუშვა ინფო, რომ 72 სთ-ში პუტინს მოკლავენ. მოსულა ომში მსგავსი გაჟონვა”, – წერს ჟურნალისტი ელისო კილაძე და იქვე, კომენტარებში ამატებს: ,,საერთოდ არ ვფიქრობ, რომ ეს ხუმრობაა – კიევზე შეტევის წინ მთავარსარდლის დემორალიზაცია ცუდი საქმე არაა”.
აქტივისტ მარიამ გეგუჩაძეზე საქმე აღძრეს. ამის შესახებ მარიამის დედა, ჟურნალისტი ნანუკა ჟორჟოლიანი წერს: ,,მარიამზე საქმე აღძრეს წვრილმანი ხულიგნობის მუხლით და ახლა უკვე ნამდვილად შემიძლია ვთქვა, რომ აქტივისტი შვილი მყავს. მარიამ, მე კიდევ მგონია, რომ ძალიან კარგი გოგო ხარ და ეგრე გააგრძელე”.
გიგა ინაშვილი უკრაინელი იგორის ფოტოს აქვეყნებს და წერს: ,,ეს იგორია უკრაინიდან. იგორი ყოველ დილით ახლომდებარე ტყეში სეირნობს. დღეს დილით სეირნობისას ტყეში რუსული არმიის მიტოვებული საზენიტო-სარაკეტო სისტემა 9K330 TOP-M2 იპოვა. იგორს ახლა საკუთარი 20 მილიონიანი საზენიტო სისტემა ჰყავს. გილოცავ, იგორ!”
,,მთავარი არხის” ჟურნალისტი ბექა ყორშია წიგნებით სავსე ოთახის ფოტოს აქვეყნებს და წერს: ,,უკვე მეორე კვირაა, ახალ სახლში ნელ-ნელა გადმომაქვს ჩემი წიგნები. ათასამდე წიგნი გადმოვზიდე. კიდევ ხუთასამდე დარჩა და რავი, ისეთი პირი უჩანს, ესენი დაბინავდებიან და მე გარეთ მომიწევს დაძინება ჩემი კრგც მვნ”.
რუსმა ოკუპანტებმა მარიუპოლში სამშობიარო სახლი და ბავშვთა საავადმყოფო დაბომბეს. დაშავებულია 17 ადამიანი, მათ შორის ორსულები. უკრაინის პრეზიდენტის ოფისის მრჩეველმა, ალექსეი არესტოვიჩმა ვიდეო გაავრცელა, სადაც ოკუპანტებს მიმართავს: ,,მარიუპოლის სამშობიარო სახლზე თავდასხმამდე ჩათვალეთ, რომ ყვავილები იყო. ომი აწი ნახეთ, პირუტყვებო. ამ წუთიდან სრულიად სხვა ომს მიიღებთ!”