თამუნა ლეკვეიშვილისა და გიგი ოქროპირიძის სიყვარულის ამბავი 20 წელზე მეტს ითვლის. ისინი სამის შვილის მშობლები არიან. ცოლ-ქმარს ერთი პროფესია აქვს, მუსიკოსები არიან. გიგი სიმღერებს წერს, არანჟირებებს აკეთებს, მღერის…
_ კონსერვატორიაში ვნახე პირველად. მე საკომპოზიციოზე ვსწავლობდი, გიგი – ინსტრუმენტალისტია. თავისი სიმღერების გაორკესტრება მთხოვა, მოგასმენინებო, შემომთავაზა. ამ მიზეზით დამიახლოვდა, – ასე აღწერს თამუნა ლეკვეიშვილი მომავალ მეუღლესთან შეხვედრას ერთ-ერთ ინტერვიუში.
– ჩვენთან ყველაფერი ისეა, როგორც უნდა იყოს. ვერც კი წარმომიდგენია, ამაზე უკეთესად როგორ უნდა იყოს ცოლქმრული ურთიერთობა. ერთმანეთს კარგად ვუგებთ და სიყვარულით ვცხოვრობთ, – ყვება თამუნა „სარკის“ ერთ-ერთ ინტერვიუში.