გუშინ საქართველო ტრაგედიას გადაურჩა. ,,აირზენას” თვითმფრინავმა, რომელსაც რეისი თბილისი-ვენის მიმართულებით უნდა შეესრულებინა, შასი ვერ დახურა. თვითმფრინავმა თბილისის საერთაშორისო აეროპორტში ავარიული დაშვება განახორციელა. მანამდე ორი საათი თბილისის თავზე იფრინა, ავზი რომ დაეცალა, რადგან ამ დროს აფეთქების რისკია.
პილოტი, რომელმაც თვითმფრინავი მშვიდობიანად დასვა და 180 ადამიანი გადაარჩინა, თემურ თოლომაშვილია. მისი შვილი, პატარა ნეკო სოციალური ქსელის ვარსკვლავია. მისი ვიდეოები ძალიან პოპულარულია.
,,ნეკოს მამიკომ 180 ადამიანის სიცოცხლე გადაარჩინა. ჩვენი კაპიტანი!” – წერენ სოციალურ ქსელში.
თემურ თოლომაშვილს და თამარ მერლანს ნეკო ათწლიანი ლოდინის შემდეგ ეყოლა.
,,10 წელი ველოდებოდით ნეკოს. შემოდგომის წვიმიან დღეს დაიბადა ჩემი გაზაფხული. განსაკუთრებული გოგოა. თავზე ნიშნით დაიბადა და ვხუმრობთ ხოლმე, რომ უფალმა ვარსკვლავი მოწყვიტა და ჩვენთან გამოუშვა. ნეკო ნამდვილად არის უფლის საჩუქარი. სიკეთით სავსე გოგოა, თვალებში ციმციმა ვარსკვლავებით”, – წერს თამარ მერლანი.