მხცოვან პოეტს, ტარიელ ჭანტურიას დიდი ტრაგედია დაატყდა თავს. მისი ვაჟი ირაკლი ჭანტურია გერმანიის კლინიკაში გარდაიცვალა. ის მძიმე სენს ებრძოდა. ირაკლი ჭანტურია ფართო საზოგდოებამ გაიცნო ფილმიდან ,,სანამ წვიმა გადივლიდეს“, სადაც მედეა ჯაფარიძის პერსონაჟის შვილის როლს თამაშობს.
-იცი, როგორი ბიჭი იყო? ხელისგულზე ედო თბილისი… როგორც მან ატარა თბილისი ხელისგულზე, ასე ხელისგულზე ატარა თბილისმაც ირაკლი. ,,ყველგან მიესვლებოდა“ ბიჭი იყო, ყველგან – სასურველი, სადაც უნდა შეეღო კარი, და ისიც მართლაც ყველგან იყო…
ის დაემართა, რაც გიო ხუციშვილს. გიოს როგორ უპატრონა… ისრაელშიც ირაკლი გაჰყვა. ჩემი და იქ მუშაობს და მაშინაც იქ იყო, გიო რომ ჩაიყვანა… როგორც გიოს მდგომარეობა დამძიმდა სწრაფად, ირაკლისთანაც ასევე სწრაფად, 4 თვეში დამთავრდა ყველაფერი. ირაკლი ბოლოს გერმანიაში, საელჩოში მუშაობდა და, პრინციპში, არც დასცალდა მუშაობა, – მოუყვა ,,ამბები.ჯი-ს” ნოდარ დუმბაძის ქალიშვილი, დეპუტატი ქეთევან დუმბაძე.