რეჟისორ ერეკლე ბადურაშვილის გარდაცვალების შემდეგ მისი ფილმის ,,ხიდის” დასრულება ,,ქართულმა ფილმმა” თავის თავზე აიღო. პროექტს სათავეში ჩაუდგა ახალგაზრდა რეჟისორი გიორგი თავართქილაძე.
,,ქართული ფილმის” დირექტორთა საბჭოს ხელმძღვანელი ხათუნა ხუნდაძე:
– ვალში ვიყავით ერეკლეს წინაშე, მისი ფილმი უნდა დაგვესრულებინა და გასული კვირის ბოლოს, საღამოს უკანასკნელად ჩავრთეთ კამერა ერეკლეს ფილმისთვის. ფილმი ღირსეულად დავასრულეთ.
ფილმი ძალიან ლამაზი სასიყვარულო ამბავს მოგვითხრობს, დაფუძნებულია ნახევრად ნამდვილ ამბებზე. მნიშვნელოვანია, რომ ძალიან ლამაზი კადრებია, საინტერესოა. ნინიმ კარგი და ლამაზი სახე შექმნა. ის ქართველი შეყვარებულია, თურქი ბიჭის, რომელმაც თურქეთში გაიცნო და რომელიც საქართველოში ჩამოდის. ბიჭი ნახევრად ქართველია…
ლალი ბადურაშვილი რამდენიმე გადაღებაზე იყო კიდეც მოსული, გახარებული და კმაყოფილი იყო, რომ ერეკლეს იდეა ბოლოში მივიყვანეთ. ერთ-ერთი გადაღება წყნეთში გვქონდა. მე არ ვიყავი იქ და “სკაიპით” შემეხმიანენ, მაჩვენებდნენ გადასაღებ მოედანს. ლალი გახარებული მეუბნებოდა – შეხედე, რა კარგად არის ყველაფერი მოწყობილიო. რაღაცებს განიცდიდა კიდეც, – ხომ არ გაფუჭდება რამე, ხომ არაფერს დავაკლებთო? დარწმუნებული ვარ, ისიც ეგონა, რომ ერეკლეც იქ იყო და თავის შვილს უყურებდა… ნინისაც ვუთხარი, ერეკლე მართლაც აქ არის, დაფრინავს და ამ ყველაფერს უყურებს. ეს ხომ შენც იცი და მეც-მეთქი. ცრემლი მოერია…
ფაქტობრივად ეს ყველაფრი ვალით გავაკეთეთ და რა დასამალია, თანხები ყველამ დავდეთ იმისთვის, რომ ეს ფილმი დაგვესრულებინა,
ამბები ჯი