მიხეილ თუმნიშვილის სახელობის კინომსახიობთა თეატრის მსახიობმა გიორგი ყიფშიძემ გუშინ სოციალურ ქსელში სტატუსი დაწერა დაგვიანებულ ხელფასზე.
,,არაფერი საინტერესო არ ხდება, ხელფასს თავის დროზე არ გვაძლევენ და საერთოდ, ამ მთავრობას მოვუ..ან დილეტანტი დედები. გულის ამრევები ესენი”, – დაწერა მსახიობმა, მოგვიანებით კი ეს სტატუსი წაშალა.
აღსანიშნავია, რომ მსახიობი რამდენიმე თვის წინ სალომე ზურაბიშვილის საარჩევნო კლიპში მონაწილეობდა და მოსახლეობას 48-ის შემოხაზვიკენ მოუწოდებდა.
– ყოველი თვის ოც რიცხვში ირიცხება ხელფასები და ამ თვეში 23 იანვარს ჩაგვერიცხა. რაც შეეხება გიორგი ყიფშიძის პოსტს, ყველა ადამიანს აქვს უფლება, საკუთარი მოსაზრება გამოხატოს. ბუნებრივია, არავის უხარია, ხელფასი რომ იგვიანებს. თუმცა წინასწარ ვიცოდით, შეფერხება რომ იქნებოდა და მეტ-ნაკლებად შეგუებული ვიყავით.
ადამიანურად თუ დაიჩივლებს ვინმე, ესეც არ არის გასაკვირი. მართალია, სულ ორ-სამ დღეზეა საუბარი, მაგრამ, როდესაც საბანკო ვალდებულებები გარკვეულ თარიღზე აქვთ აწყობილი, ზოგიერთი ხელფასის დაგვიანებას უფრო მეტად განიცდის. რეაქცია ყველას აქვს მეტ-ნაკლებად და მხოლოდ ჩვენს თეატრში კი არა, სხვა თეატრების თანამშრომლების სტატუსებიც გვინახავს. ჩვენს თეატრში რამე განსაკუთრებული რომ ხდებოდეს, ამას ნამდვილად ვერ ვიტყვი, – განაცხადა ამბები.ჯისთან თუმანიშვილის თეატრის პრესსამსახურის უფროსმა სოფო სიხარულიძემ.