ნუგა (რეცეპტი) – სახლში მომზადებული საოცარი ნუგბარი ინგრედიენტები:
• კვერცხის ცილა: 1 ცალი (საშუალო, დაახლოებით 30 გრ)
• შაქარი: 250 გრ
• თაფლი: 3 ს.კ.
• წყალი: 50 მლ.
• დანამატები: მიწის თხილი, ფისტა ან ცუკატები (გემოვნებით).
მომზადების ეტაპები:
1. სიროფის მომზადება: ქვაბში მოათავსეთ შაქარი და წყალი, დადგით ნელ ცეცხლზე და დროდადრო მოურიეთ. შაქარი რომ გადნება, დაამატეთ თაფლი. ადუღეთ დაბალ ცეცხლზე 6-7 წუთი (თერმომეტრით 140-150°C-მდე).
2. ცილის ათქვეფა: სიროფის დუღილის პარალელურად, ათქვიფეთ კვერცხის ცილა მყარი პიკების მიღებამდე.
3. შერევა: მზა მდუღარე სიროფი ნელ-ნელა, ულუფებად ჩაასხით ათქვეფილ ცილაში. მნიშვნელოვანია: სიროფი არ მოხვდეს მიქსერის ჯოხებს, რომ არ დაკრისტალდეს.
4. თქვეფის პროცესი: თქვიფეთ განუწყვეტლივ, სანამ მასა არ გახდება ძალიან წებოვანი, მყარი და გამჭვირვალე. მიქსერს ტრიალი უნდა გაუჭირდეს – სწორედ ესაა მზაობის ნიშანი.
5. თხილეულის დამატება: მზა მასაში აურიეთ თქვენთვის სასურველი თხილი ან ცუკატები.
6. ფორმირება: წებოვანი მასა გადაიტანეთ საცხობ ქაღალდზე, მიეცით სასურველი ფორმა (მაგ. ოთხკუთხედი) და აცალეთ სრულ გაციებამდე.
7. ცივი ნუგა დაჭერით სასურველ ნაჭრებად. შეგიძლიათ ამოავლოთ შოკოლადში.