11 წლის დაჩის ჩვენი იმედი აქვს, ეს თვალებციმციმა ბიჭი უნდა გამოჯანმრთელდეს

კიდევ ერთ თვალებციმციმა ბავშვს სჭირდება საზოგადოების თანადგომა _ 11 წლის დაჩი მაშვნიაშვილს. ანნა სააკაძე სოციალურ ქსელში წერს:

,,დაჩის ძალიან ეჩქარება! ცოტა ხნის წინ დაუდგინდა იუნგის სარკომის დიაგნოზი (ავთვისებიანი სიმსივნე). საქართველოში გაუკეთდა ოპერაცია. ტკივილები ჰქონდა მკერდთან, ფეხების ტკივილი და სისუსტე. ამ ეტაპზე გადის ოპერაციის შემდგომ რეაბილიტაციას. ბავშვი სასწრფოდ საჭიროებს მკურნალობის გაგრძელებას საზღვარგარეთ! მიზანია შეგროვდეს მინიმუმ გზის ფული, რომ საზღვარგარეთ გამგზავრება შეძლონ ( საფრანგეთში).

ოჯახს მარტოს უჭირს ამხელა ხარჯებთან გამკლავება. დაჩის სამი დედმამიშვილი ჰყავს და კეთილი ადამიანების დახმარების გარეშე თანხების მობილიზება რთულია ასეთ დროს. ჩარიცხული ერთი ლარი და ერთი გაზიარება უკვე დახმარებაა. მოკლედ, დაჩის ჩვენი იმედი აქვს!”