საქართველოსთვის დღეს უმძიმესი დღეა. უკრაინაში, ირპენში ოკუპანტებთან შეტაკებისას ორი ქართველი მებრძოლი დაიღუპა – გია ბერუაშვილი და დავით რატიანი. უკრაინაში მყოფი ქართველი მებრძოლები წერენ, რომ დაბომბვაში დაახლოებით 10 ქართველისგან შემდგარი ჯგუფი მოჰყვა. ამ წუთებში დაღუპული სამხედროების ცხედრების გამოყვანის სპეცოპერაცია მიმდინარეობს. თავდასხმის დროს ასევე დაიჭრა ერთი ქართველი და ერთი ფრანგი მოხალისე.
დავით რატიანი და გია ბერუაშვილი უკრაინაში მოხალისედ იბრძოდნენ. მათ საქართველოს თავდაცვის სამინისტრო 2014 წელს დატოვეს.
ნოდო სიმონიშვილი, რომელიც უკრაინაში მოხალისედ იბრძვის, სოციალურ ქსელში პოსტს აქვეყნებს და დაღუპულ ჯარისკაცებთან უკანასკნელ საუბარს იხსენებს:
,,დაჭრილების გამოსაყვანად დროზეო – დაგვიძახეს და რა იცი, რა ხდება, იქნებ ბოლო სურათია ჩვენთვის, გადავიღოთო. სახეზე კი გვაწერია, რა ხასიათზეცა ვართ, ვერ ვუშველეთ”, – წერს სიმონიშვილი.