გუდაურში 28 წლის თამაზ გორთამაშვილის მკვლელობაში ბრალდებული მერაბ კობიაშვილი ნაფიც მსაჯულთა სასამართლომ უდანაშუალოდ ცნო.სასამართლო პროცესს გორთამაშვილის დედაც ესწრებოდა. ,,უფალს ვეხვეწები, გასცეს პასუხი ჩემი შვილის გამო. უფალთან რომ წარსდგება და ეტყვის, ჩემ მიერ შექმნილი კაცი რატომ მოკალიო, რა პასუხი უნდა გასცეს მაგ არაკაცმა? რატომ წაიყვანა 19 წლის ბიჭი და სცემა, იმის გამო დაიწყო ყველაფერი, სად არიან, რატომ არ ამბობენ ამას?” – განაცხადა თამაზ გორთამაშვილის დედამ სასამართლოს დარბაზიდან გამოსვლის შემდეგ.
– შოკირებული ვარ… მოდი ადამიანს ნუ გავუშვებ 20 წლით ციხეში იმიტომ ,რომ ცოცხალია, ოჯახი ჰყავს – ეს მიდგომა იყო. აღარავის ახსოვს 28 წლის სიცოცხლით სავსე ბიჭი, რომელსაც უმოწყალოდ წაართვეს სიცოცხლე…
თაზოს ძმები სხდომას ვერ ესწრებოდნენ, იმდენად მძიმე იყო ემოციურად მათთვის ეს მკვლელობა. ჩემთან ერთად თაზოს დედა იჯდა დარბაზში და განადგურდა. დამნაშავის და მისი მომხრეების სახეებისთვის უნდა გეყურებინათ.
საერთოდ ამ პროცესების განმავლობაში უნდა გენახათ მერაბ კობიშვილის სახე, როგორი გაღიმებული იჯდა ხოლმე სასამართლო პროცესებზე, როგორ ერთხელაც არ დატყობია სინანული. უნდა გენახათ, როგორი სიცილით დატოვეს დარბაზი მან და მისმა მომხრეებმა და არ მიუქცევიათ საერთოდ ყურადღება თაზოს დედისთვის, შვილმკვდარი დედის თვალწინ დაიწყეს ერთმანეთზე გადახვევა მილოცვები და სიცილი.
მოსამართლემ შენიშვნაც კი მისცა და უთხრა გარეთ გასულიყვნენ. ზეიმი ჰქონდათ. არანაირი სინანული კობიაშვილს არასოდეს ჰქონია, – ამბობს ამბები.ჯი-სთან ოჯახის ახლობელი.
ამბები.ჯი, ავტორი თეა ხურცილავა