,,ჩემი ცოლის დაქალების” ბოლო სერიები ნარკოტიკით მოწამლული გოგონას და მისი მამის გარშემო ვითარდება. სერიალში მამის როლს მსახიობი ლევან გაბრიჭიძე მონაწილეობს, რომელიც თავის პერსონაჟზე ამბები.ჯი-ის უყვება:
-რაღაცებში ჩემს გმირს ვუგებ… ტრაგიკული პიროვნებაა, რადგან ერთი შვილი გარდაცვლილი ჰყავს, მეორე მძიმედ ავად და მესამე კიდევ ასეთ მდგომარეობაში… მე პირადად ორი ქალიშვილის მამა ვარ, ერთი შვილიშვილის ბაბუა და აბსოლუტურად სულ სხვა სიტუაციია ჩვენს ოჯახში, ღმერთმა დამიფაროს სხვანაირად იყოს! ვამბობდი კიდეც, ხასიათში არ გადამივიდეს ეს ჩხუბი და ყვირილი-მეთქი…
ჩემი ქცევა რა თქმა უნდა, რადიკალურად განსხვავებული იქნებოდა. შინაგანად იგივე განწყობა მექნებოდა, მაგრამ გამოხატვით ასეთი იმპულსური ნამდვილად არ ვარ… არ ვეთანხმები ჩემს პერსონაჟს, რომ ყვირის და წივის, მაგრამ რა ცხოვრებაც აქვს, მისი აგრესია აღარც არის გასაკვირი. რეალურად ახალგაზრდებმაც ცოტა უნდა გაიგონ, რომ მათაც პასუხისმგებლობა აქვთ. მე არ ვეთანხმები ნარკოტიკების ლეგალიზაციას.
ამბები.ჯი