რაჭაში ტრაგედია დატრიალდა. გავრცელებული ინფორმაციით, შაორის ტბასთან მოზარდი, 14 წლის კახაბერ სოფრომაძე დაიღუპა. ის კლასელებთან ერთად ექსკურსიაზე იმყოფებოდა საჩხერიდან. ცხედარს მაშველები რამდენიმე საათის განმავლობაში ეძებდნენ. როგორც ამბობენ, ის სურათის გადასაღებად ქვაზე ავიდა, სავარაუდოდ, ფეხი დაუცურდა და ტბაში გადავარდა.
-საშინელი ტრაგედია მოხდა ჩვენს რაიონში. ეს ბავშვი იყო სოფელ ქობეთის მკვიდრი – ფარქოსაძე კახაბერი. ექსკურსიაზე იყვნენ წასულები რაჭაში. როგორც ვიცი, მშობელიც თან ახლდა. ამ დროისთვის გარდაცვლილის ცხედარი ქუთაისის პრიზექტურაშია გადასვენებული, – ამბობს ამბები,ჯი-სთან საჩხერის მუნიციპალიტეტის მერი, ბენიამინე ფალავანდიშვილი.
ამბები.ჯი