,,იმედის” ჟურნალისტი, მაგდა ანიკაშვილი ბერა ივანიშვილთან ინტერვიუს შემდეგ საზოგადოების ყურადღების ცენტრში მოექცა. მაგდა ანიკაშვილი სწორედ ,,იმედიდან” აღმოჩნდა პოლიტიკაში და ,,ქრისტიან-დემოკრატიული” პარტიის წევრი გახდა. ამავე პარტიიდან კი პარლამენტში მოხვდა. ინტერვიუ, სადაც პირადზე საუბრობს, სწორედ ამ დროს არის ჩაწერილი.
_10 წლის განმავლობაში, შვილი არ გყავდათ. იმ პერიოდს როგორ შეაფასებთ?
– იმ ქალბატონებისგან, რომლებსაც შვილი წლების განმავლობაში არ ჰყავდათ და შემდეგ გაუჩნდათ, ასეთი შეფასება ხშირად მომისმენია: აქამდე სად ვიყავიო, რაც სიმართლე გითხრათ, მაკვირვებდა, მაგრამ დღეს მეც იმავეს ვიტყვი. კარგია, როდესაც ქალი ადრეულ ასაკში აჩენს შვილს. სხვა თუ არაფერი, ცხოვრებაში უფრო დიდხანს უწევს შვილთან ყოფნა. პოტენციურმა დედამ ბავშვის გაჩენა სამომავლოდ არ უნდა გადადოს. მერწმუნეთ, ქალისთვის დედობაზე მნიშვნელოვანი არაფერია!
– ნანობთ, რომ ბავშვი ადრე არ გააჩინეთ. ასეა?
– კი, ძალიან ვნანობ…
– ბავშვის გაჩენიდან ცოტა ხანში მეუღლეს გაშორდით. რა გახდა ამის მიზეზი?
– ამაზე ვერაფერს გეტყვით… როცა საქმე ალექსანდრეს ეხება, ყველაფერი ისეა, როგორც საჭიროა…
გზა