,,ნა­ცე­მიც აღარ ერ­ქვა, ეს იყო წა­მე­ბა! ბავ­შვი გა­ოგ­ნე­ბუ­ლი, მო­ბუ­ზუ­ლი იჯდა, აღა­რა­ფე­რი რომ არ ადარ­დებს, ისე გა­მო­ი­ყუ­რე­ბო­და”

4 წლის გოგონას გარდაცვალების საქმეზე კითხვები ჯერ კიდევ პასუხგაუცემელია. გუშინ დააკავეს ბავშვის დედა, რომელსაც გამოძიება შემაკევებელი ორდერის დარღვევას ედავება. მეზობლების თქმით კი, ის შვილს ხშირად სცემდა და გარდაცვალების მიზეზიც სავარაუდოდ ეს გახდა.

ბლო­გე­რი ნინა ილუ­რი­ძის თქმით, 6 იან­ვარს იაშ­ვი­ლის კლი­ნი­კა­ში იმ­ყო­ფე­ბო­და და სა­კუ­თა­რი თვა­ლით იხი­ლა სას­ტი­კად ნა­ცე­მი პა­ტა­რა გო­გო­ნა, რო­მე­ლიც სა­ა­ვად­მყო­ფო­ში ექი­მებ­მა შე­იყ­ვა­ნეს. 22 იანვარს გარდაცვლილი ბავშვის ფოტოზე კი სწორედ ის პატარა ამოიცნო, რომელიც შობის წინა დღეს შოკურ მდგომარეობაში ნახა.

ბლოგერი ამბები.ჯი-ს უყვება:

-სო­ცი­ა­ლურ ქსელ­ში ვნა­ხე ამ ბავ­შვის ფოტო და ვი­ცა­ნი, თუმ­ცა იქამ­დეც მივხდი, რომ მას­ზე იყო სა­უ­ბა­რი. და­ახ­ლო­ე­ბით ორი კვი­რის წინ ჩემი ძმის­შვი­ლი მი­ვიყ­ვა­ნეთ იაშ­ვი­ლის კლი­ნი­კა­ში და ზუს­ტად მა­შინ ვნა­ხე, რომ შე­მო­იყ­ვა­ნეს და­ახ­ლო­ე­ბით 4 წლის გო­გო­ნა. იყო სა­ში­ნელ მგო­მა­რე­ო­ბა­ში.

იქ ვინც იყო და ნახა, ყვე­ლა შოკ­ში ჩა­ვარ­და. ამას ნა­ცე­მიც აღარ ერ­ქვა, ეს იყო წა­მე­ბა. თან არამარ­ტო იმ დღის და­ზი­ა­ნე­ბე­ბი ეტყო­ბო­და… მთე­ლი სახე ჰქონ­და სა­ში­ნელ მდგო­მა­რე­ო­ბა­ში, ზოგი იყო ლურ­ჯი, ზო­გან წი­თე­ლი ფე­რის და­ზი­ა­ნე­ბა. გრძელმკლა­ვი­ა­ნი ეცვა, ამი­ტომ არ ვიცი, სხე­უ­ლის და­ნარ­ჩე­ნი ნა­წი­ლი რა მდგო­მა­რე­ო­ბა­ში ჰქონ­და. გა­ბუ­რძგნუ­ლი თმა და სახე ნამ­დვი­ლად ვნა­ხე.

ეტყო­ბო­და, რომ გა­ჭირ­ვე­ბუ­ლი ოჯა­ხი­დან იყო და სხვი­სი ნაც­ვა­მი ტან­საც­მე­ლი ეცვა… რით სცემ­დნენ, ვერ მივხდი, ჩარ­ტყმე­ბი ეტყო­ბო­და. მთე­ლი სახე ჰქონ­და გა­უ­ბე­დუ­რე­ბუ­ლი და გარ­წმუ­ნებთ, ეს არ იყო ერთი დღის გა­კე­თე­ბუ­ლი!

ბავ­შვი სას­წრა­ფომ მო­იყ­ვა­ნა, ხელ­ში აყ­ვა­ნი­ლი გად­მო­იყ­ვა­ნეს ექი­მებ­მა. კლი­ნი­კის დაც­ვის ბიჭს ვკი­თხეთ, რა­ტომ არა­ვინ ახ­ლდა ბავ­შვს და მან გვი­თხრა, დე­დამ სცე­მა და დე­და­მი­სი პატ­რულ­მა და­ა­კა­ვაო.

გო­გო­ნა მიმ­ღებ­ში ეჯ­დათ ექი­მებს და პატ­რო­ნობ­დნენ. ბავ­შვი გა­ოგ­ნე­ბუ­ლი, მო­ბუ­ზუ­ლი იჯდა, შო­კი­რე­ბუ­ლი იყო. აღა­რა­ფე­რი რომ არ ადარ­დებს, ისე გა­მო­ი­ყუ­რე­ბო­და… მე მგო­ნი გა­თი­შუ­ლიც კი იყო ამ ყვე­ლაფ­რის­გან. ამ ბავ­შვის უკან, სახ­ლში მიბ­რუ­ნე­ბა რო­გორ შე­იძ­ლე­ბო­და?!