გორში 25 ოქტომბერს მომხდარი საზარელი მკვლელობა შინაგან საქმეთა სამინისტროს სპეციალურმა საგამოძიებო ჯგუფმა ცხელ კვალზე გახსნა. უწყების ინფორმაციით, 8 წლის გოგონას მკვლელობაში ბრალდებული 1984 წელს დაბადებული მამაკაცია.
“სპეციალურმა საგამოძიებო ჯგუფმა და შიდა ქართლის პოლიციის დეპარტამენტის თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, 1984 წელს დაბადებული, წარსულში ნასამართლევი ი.ნ. დამამძიმებელ გარემოებაში ჩადენილი განზრახ მკვლელობის ბრალდებით, გორში, ცხელ კვალზე დააკავეს.
გამოძიება წინასწარი შეცნობით არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის ფაქტზე, საქართველოს სსკ-ს 109-ე მუხლის მე-2 ნაწილის „ბ“ ქვეპუნქტით მიმდინარეობს”, – წერია შინაგან საქმეთა სამინისტორს განცხადებაში.