,,ვერ ვიტან საჯაროდ რაღაცეების განხილვას… პირველ რიგში, მინდა, ეს ადამიანი ყველაზე კარგად და ჯანმრთელად მყავდეს. სამწუხაროა, რომ ვიღაც-ვიღაცებს ძალიან შეეშალათ ზურასთან და ჩვენს ოჯახთან. არ იმსახურებს არანაირად. არა უშავს, ყველა აგებს პასუხს. ღმერთი ხედავს, ვინ ვინ არის და მიიღებს ყველა ამის გამო”, – ეს პოსტი სოციალურ ქსელში მსახიობ ზურა ყიფშიძის ქალიშვილმა ლენუკა ყიფშიძემ გამოაქვეყნა. როგორც გაირკვა, მსახიობის ოჯახმა ბინა დაკარგა.
ლენუკა ყიფშიძე:
– გუდიაშვილზე გვქონდა სახლი, რომელიც დედაჩემის და დეიდაჩემის საკუთრებაა. სამი წლის წინ, ეს სახლი ქირით გადავეცით ჩვენს მეგობარს კომპანიისთვის, ყოველთვიურად უნდ გადაეხადათ თანხა, საბუთები გავაფორმეთ, მაგრამ სიჩქარეში მოგვატყუეს და თურმე კი არ გავაქირავეთ ეს სახლი ბანკში ჩავუდეთ ამ კომპანიას.
– მოულოდნელად გაგიყიდეს?
– ზურას ამ ამბავს არ ვეუბნებოდით, მთელი ეს პერიოდი ვცდილობდით, ადვოკატებით და სხვადასხვა გზებით სახლი ისევ ჩვენ დაგვებრუნებინა. დაგეგმილი გვქონდა სასტუმროს გახსნა, ერთადერთი ქონება ეს გაგვაჩნდა და ამაზე ვამყარებდით იმედებს.
საბოლოოდ სახლი აუქციონზე ისე გაყიდეს, არც ვიცოდით, ბანკსაც ვთხოვეთ გაეთვალისწინებინა ჩვენი მდგომარეობა, საერთოდ დაკარგვას ვარჩიეთ გაგვეყიდა, კლიენტიც გვყავდა და მიზერული თანხა მაინც დაგვრჩებოდა, მაგრამ 6 სექტემბერს დაგვირეკა ვიღაც გოგომ და გვითხრა, სახლი დაცალეთო.
ბანკში 120.000 დოლარად იყო ჩადებული, 115 ათასად გაიყიდა და აქეთ გვეუბნებიან, 5.000 მოიტანეთ, თორემ რაც გაქვთ იმასაც დაგიყადაღებთო. რა უნდა ვთქვა არ ვიცი, ფული თუ არ გაქვს, არავინ არ ხარ ამ ქვეყანაში.
ამბები.ჯი