9 მარტს საქართველოში ინტენსიურად დაიწყება შედარებით ცივი და ნოტიო ჰაერის მასების გავრცელება. სინოპტიკოსების ცნობით, მთელი ქვეყნის ტერიტორიაზე იქნება წვიმა, ზოგან ძლიერი. დღის მეორე ნახევრიდან საქართველოში მოსალოდნელია დასავლეთის ძლიერი ქარი 20-25 მეტრი წამში, ზოგან 27 მეტრ წამამდე, რაც ქართა კატეგორიაში ქარიშხლის ნიშნულს უტოლდება.
განსაკუთრებით ფრთხილად უნდა იყვნენ დედაქალაქში, სადაც 10 მარტის ღამეს შესაძლებელია, ქარის სიჩქარემ 30-33 მეტრ წამს მიაღწიოს, რაც უკვე გრიგალის კატეგორიაა.
აჭარაში 9 მარტს დილიდან იწვიმებს, თუმცა წვიმა და ქარი დღის ბოლოს გაძლიერდება. ზღვაზე მოსალოდნელია შტორმული სიტუაცია, ხილვადობის შეზღუდვა 400-600 მეტრამდე. ტალღის სიმაღლე 5 ბალს მიაღწევს.
აჭარის ტელევიზია