ცისნამი საყვარლიშვილი: “თავ-პირი ვიმტვრიე დღეს, თავისით ვტრიალდებოდი და ზადნით ვსრიალებდი” – ვიდეო

შეერთებულ შტატებში მცხოვრებმა ცისნამი საყვარლიშვილმა ფეისბუქში ასეთი პოსტი გამოაქვეყნა:

“იცით როგორი დღე მქონდა? აეეეეე, აი ასეთი. 🤣🤣🤣 ალბათ სკოლის დამთავრების შემდეგ არ #მიციგავია. თავ-პირი ვიმტვრიე დღეს, სულ თავდაყირა ვიგორავე თოვლში, უკუღმა ვციგაობდი და კივილით ვიკლებდი იქაურობას.
ზევიდან რომ ვეშვებოდი თავისით ვტრიალდებოდი და ზადნით ვსრიალებდი. ვკიოდი რადგან ვერ ვხედავდი და არ მინდოდა ვინმეს დავჯახებოდი. ანუ ვაგებინებდი მომრიდებოდნენ. მთელი დღე გული ვიჯერე, სანამ ქანცი არ გამწყდა არ წამოვედი. ვბობღავდი, ვეცემოდი, მაგრამ მაინც ვსრიალებდი. უზომოდ ბედნიერი ვიყავი და ჩემი ბედნიერება მთელ სამყაროს ესმოდა. დავსველდი, გავშრი, თოვლიც ვჭამე, ვიფსიხე და კივილამდე დავტკბი ბავშვობის გახსენებით.
მაგარი მკიდია ვინ რას იფიქრებს, ამ ვიდეოს რომ ნახავს, მხოლოდ იმას გეტყვით, ყოველთვის ის აკეთეთ რაც თქვენს სულსა და გულს გაუხარდება, გაერთეთ, დატკბით ცხოვრებით, რადგან ეს უკანასკნელი ძალიან ხანმოკლეა, მიფრინავს დრო და სახეზე მხოლოდ ნაოჭები გვრჩება. 💃”