,,რადიო თავისუფლება” გამოცემების „უკრაინსკა პრავდასა“ და „უნიანისზე“ დაყრდნობით წერს, რომ რუსულმა ავიაციამ დაბომბა უკრაინის ქალაქი სუმი და მისი შემოგარენი.
ადმინისტრაციის ხელმძღვანელის, დმიტრო ჟივიცკის ინფორმაციით, 7 მარტს, 23:00 საათიდან დაიბომბა სუმის და ახტირკის საცხოვრებელი უბნები და სოფელი ბიტიცა. ჟივიცკის თანახმად, დაღუპულია 10-ზე მეტი ადამიანი, მათ შორის ბავშვები.
საგანგებო სიტუაციების სამსახურის თანამშრომლებს დაბომბვის ადგილებიდან გააქვთ სახლების ნანგრევები. სამხედრო ადმინისტრაციის ხელმძღვანელი ვარაუდობს, რომ დაღუპულთა რიცხვი გაიზრდება. დმიტრო ჟივიცკის ცნობითვე, 7 მარტს დღისით, რუს სამხედროებთან ბრძოლაში დაიღუპა ტერიტორიული თავდაცვის 4 მებრძოლიც.
რადიო თავისუფლება