უკრაინის სამხედრო დაზვერვის სამსახურის ხელმძღვანელი კირილ ბუდანოვი რადიო თავისუფლების უკრაინული სამსახურთან საუბრისას აცხადებს, რომ ამ დროისათვის, უკრაინის საზღვრებთან რჩება 86 ათასი რუსი სამხედრო.
მისივე თქმით, რუსული შეიარაღებული ძალების 31-მა ბატალიონის ტაქტიკურმა ჯგუფმა„ფაქტობრივად სრულად დაკარგა საბრძოლო მზადყოფნა“.
ამერიკული სპეცსამსახურების ინფორმაციით, უკრაინაში შეჭრის შემდეგ, დაღუპულია 2-დან 4 ათასამდე რუსი სამხედრო. უკრაინის გენერალური შტაბი გაცილებით მაღალ რიცხვზე ლაპარაკობს და აცხადებს, რომ დაღუპულია 12 ათასზე მეტი რუსი ჯარისკაცი. რუსეთის თავდაცვის სამინისტროს მიერ დასახელებული მონაცემი მინიმალურია.
რადიო თავისუფლება