რუსთაველის თეატრში, პარლამენტარიზმის 100 წლის იუბილესადმი მიძღვნილ ღონისძიებაზე საქართველოს პრეზიდენტი არ იმყოფებოდა. „პრაიმტაიმმა“ გაარკვია, რომ სალომე ზურაბიშვილმა ღონისძიებაზე მისვლა ჯანმრთელობის მდგომარეობის გამო ვერ შეძლო.
-გასვლის მომენტში შეუძლოდ გახდა. იმის გამო, რომ ხვალ სომხეთში ოფიციალური ვიზიტი აქვს დაგეგმილი, თავი შეიკავა წასვლისგან, -განუცხადეს „პრაიმტაიმს“ პრეზიდენტის ადმინისტრაციაში.
რუსთაველის თეატრში პარლამენტარიზმის 100 წლისთავისდამი მიძღვნილ ღონისძიებას პრემიერი, პარლამენტის თავმჯდომარე, „ქართული ოცნების“ თავმჯდომარე ბიძინა ივანიშვილი, საკანონმდებლო და აღმასრულებელი ხელისუფლების წარმომადგენლები ესწრებოდნენ.
პრაიმტაიმი