ოზურგეთში მომხდარ ავტოსაგზაო შემთხვევას ახალგაზრდა მამაკაცის სიცოცხლე ემსხვერპლა. მოტოციკლისა და ავტომობილის შეჯახების შედეგად მოტოციკლის მძღოლი მამუკა ნაცვლაძე კლინიკაში მიყვანამდე გარდაიცვალა.
როგორც კლინიკა ,,მედალფას” დირექტორმა დავით მდინარაძემ ამბები.ჯი-ს განუცხადა, მას სიცოცხლესთან შეუთავსებელი დაზიანებები აღენიშნებოდა. საქმეზე გამოძიება სისხლის სამართლის კოდექსის 276 – ე მუხლით მიმდინარეობს.
-შუადღით შესვენებაზე გავიდა და ქუჩაში მსუბუქი ავტომობილი დაეჯახა. სავარადუდოდ, ავტომობილის საჭესთან ქალბატონი იჯდა. მამუკას ახალგაზრდა ფეხმძიმე მეუღლე დარჩა. როდესაც საავადმყოფოში მიიყვანეს, მისი ფეხძიმე მეუღლე ექიმთან კონსულტაციაზე იმყოფებოდა და მისი ქმარი გარდაცვლილი იქ ნახა, მანამდე მომხდარის შესახებ არ იცოდა. ეს არის შოკისმომგვრელი ფაქტი. მისი მდგომარეობა საავადმყოფოში მიყვანამდე უკვე ძალიან მძიმე იყო. სავარაუდოდ, ავარიის შედეგად მძიმე ტრავმა თავის არეში მიიღო, – განაცხადეს ამბები.ჯი-სთან საუბრისას გარდაცვლილის მეგობრებმა.
ამბები.ჯი