,,ევროპული საქართველოს” წევრი, დეპუტატი სერგო რატიანი პარლამენტიდან ავრცელებს ფოტოებს, რომლებზეც ასახულია ხმის მიცემის ინსტრუქცია.
,,დღეს დილას დაგვხვდა. გვასწავლიან, ბარათი ჭრილში უნდა განთავსდეს… პარალელურად უნარების გამოცდაც გააუქმეს”, – წერს რატიანი.
,,ბარათი ჭრილში უნდა განთავსდეს ისე, რომ ჩიპი მოხვდეს ჭრილის მარცხენა მხარეს არსებული ისრის მიმართულებით. პულტის ჭრილში ბარათის მოთავსებისას, ჭრილის ზედა კუთხეში ნათურის წითელი ნათება გადავა მწვანეში, რაც მიანიშნებს, რომ სისტემამ მიიღო ბარათის კოდი. რეგისტრაციისა და კენჭისყრის დროს ბარათი ყოველთვის აღნიშნულ ჭრილში უნდა იყოს მოთავსებული”, – ვკითხულობთ ხმის მიცემის ელექტრონული სისტემის ინსტრუქციის ბარათში.
შეგახსენებთ, რომ ზვიად კვაჭანტირაძის თანამდებობიდან გადაყენებას მხარი დაუჭირა 67-მა დეპუტატმა. კვაჭანტირაძის თანამდებობიდან გადაყენებისთვის კი პარლამენტის 76 დეპუტატის მხარდაჭერა იყო საჭირო. როგორც გაირკვა, დეპუტატებს მწვანე და წითელი ღილაკი ერთმანეთში აერიათ.
ამბები.ჯი