უფლებადამცველი და მწერალი ირაკლი კაკაბაძე დაქორწინდა. მისი რჩეული ბელა ბაჯელიძეა. ჯვრისწერის ფოტოები ფეისბუქში ირაკლი კაკაბაძის მეჯვარემ, ტელეწამყვანმა გიორგი გასვიანმა გააზიარა.
,,დღეს ბედნიერი დღეა. ირაკლი კაკაბაძე და ბელა ბაჯელიძე დავაროქორწინეთ. ბედნიერება ვუსურვოთ,” – დაწერა გიორგი გასვიანმა.
ჯვრისწერას არაერთი ცნობილი სახე ესწრებოდა.
ირაკლი კაკაბაძისთვის ეს მესამე ქორწინებაა. მეორედ ის იუსტიციის უმაღლესი საბჭოს არამოსამართლე წევრ ანა დოლიძეზე იყო დაქორწინებული, რომელთანაც ერთი ვაჟი ჰყავს.