ერთიანი ნაციონალური მოძრაობის ერთ-ერთი ლიდერი დავით კირკიტაძე ამ წუთებში ე.წ. მატროსოვის ციხეში ქორწინდება – ინფორმაციას ამის შესახებ ტელეკომპანია ,,პირველი” ავრცელებს და ფოტოებს აქვეყნებს.
პატიმარი პოლიტიკოსის რჩეული 27 წლის მარიამ ახობაძეა. ის ესთეტიკური ცენტრის გაყიდვების დირექტორია.
დავით კირკიტაძესთვის ეს მეორე ქორწინებაა. მისი პირველი მეუღლე ტელეწამყვანი და ერთ-ერთი კომპანიის პიარმენეჯერი სალომე წაქაძე იყო.
წყვილის მეჯვარეები სასჯელაღსრულების თანამშრომლები იქნებიან.
დავით კირკიტაძე ველისციხეში 16 დეკემბერს მომხდარი დაპირისპირების დროს, პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავეს.