რუსთავში 28 წლის ორსული გარდაიცვალა – გამოძიება თვითმკვლელობამდე მიყვანის მუხლით დაიწყო

რუსთავში 28 წლის ორსული გარდაიცვალა - გამოძიება თვითმკვლელობამდე მიყვანის მუხლით დაიწყოუბედური შემთხვევა მოხდა რუსთავში. 28 წლის ქალი, რომელიც 36 კვირის ორსული იყო, გარდაიცვალა. ახალგაზრდას მეორე დღეს უნდა ემშობიარა.

გავრცელებული ინფორმაციით, ახალგაზრდა ქალი ინსულტით გარდაიცვალა.

,,სასწრაფოს ეკიპაჟმა მოიყვანა 28 წლის გოგო, რომელიც იყო 36 კვირის ორსული. სხეულზე აღენიშნებოდა იასამნისფერი ლაქები, ფიქსირებული ფოტორეაქცია არ იყო, მოვიდა მიმდინარე გულფილტვის რეანიმაციით, ჩვენ გავაგრძელეთ დაწყებული რეანიმაციული ღონისძიებები, რომლებიც ჩატარდა პროტოკოლის სრული დაცვით, მაგრამ, მიუხედავად ამისა, როგორც მოსალოდნელი იყო, დაფიქსირდა ბიოლოგიური სიკვდილი.

ნაყოფის გადარჩენაც ვერ მოხერხდა. ჩემი ინფორმაციით, მეორე დღეს დაგეგმილი იყო საკეისრო კვეთა, – განაცხადა გადაუდებელი განყოფილების მორიგე ექიმმა ლევან სუტურმა.

გამოძიება სისხლის სამართლის კოდექსის 115 მუხლით დაიწყო, რაც თვითმკვლელობამდე მიყვანას გულისხმობს.

გარდაცვლილს 4 წლის შვილი და მეუღლე დარჩა.

ინფო რუსთავი

დატოვეთ თქვენი კომენტარი

ახალი დამატებული

sarkenews.ge © 2017-2018