,,გირჩი” აუქციონს ამჯერად საახალწლოდ გამართავს. პარტია ზურაბ ჯაფარიძეს ახალი წლის ღამეს მეკვლედ აქირავებს. ამის შესახებ მათ მიერ გავრცელებულ ინფორმაციაში წერია.
,,31 დეკემბრის ღამით მეკვლედ ვაქირავებთ ჯაფარას. მიიღეთ მონაწილეობა აუქციონში.
პ.ს. ჰუმანიტარებისთვის: შეამხანაგების შემთხვევში გამარჯვების შანსი იზრდება”, – წერია ,,გირჩის” ფეისბუქგვერდზე.
აუქციონის წესების მიხედვით, ჯაფარიძე სულ ხუთ ადამიანს ესტუმრება. ჯერჯერობით ყველაზე მაღალი ფსონი 35 ლარია. აუქციონი შეწყდება 31 დეკემბერს, 23:30 საათზე. 23:45 საათზე გამოვლინდება სამი გამარჯვებული.
პირველ გამარჯვებულთან ჯაფარიძე მივა 01:00-დან 02:00 შუალედში;
მეორე გამარჯვებულთან ჯაფარიძე მივა 02:00-დან 03:00-მდე;
მესამე გამარჯვებულთან ჯაფარიძე მივა 03:00-დან 04:00-მდე.
,,ჯაფარას სტუმრად მისვლა შესაძლებელია მხოლოდ თბილისის ფარგლებში. P.S გამონაკლისია ბიძინა ივანიშვილთან სტუმრობის შემთხვევაში”, — ამბობენ პარტიაში.