რამდენიმე საათის წინ თბილისის ეროვნულ სტადიონზე დასრულდა ერთა ლიგის ბოლო ტურის მატჩი საქართველოსა და ყაზახეთს შორის.
შეხვედრის პირველი ნახევარი ფრედ 0:0 დამთავრდა.
მეორე ტაიმში, 59-ე წუთზე გიორგი ჩაკვეტაძის გარღვევას მარცხენა ფლანგზე მისი მაღალი ჩაწოდება მოჰყვა, რომელსაც გიორგი მერებაშვილმა ვარდნაში თავური დაუხვედრა – 1:0.
84-ე წუთზე უკვე თავად ჩაკვეტაძემ გამოიჩინა თავი და ვაკო ყაზაიშვილის გადაცემის შემდეგ მეორე გოლი გაიტანა – 2:0.
შეხვედრის 90-ე წუთზე სტუმრებმა ერთი გოლის გატანა მოახერხეს. ეს გაფურჟან სუიუმბაევმა გააკეთა – 2:1.
საქართველომ ეს მატჩი მოიგო, დააგროვა 16 ქულა და ნახევარფინალურ მატჩს საკუთარ მოედანზე ჩაატარებს.
ამ მატჩის ვარსკვლავი გიორგი ჩაკვეტაძე გახდა. ვიდეოში, რომელსაც ქვემოთ ვაქვეყნებთ, გიორგი თავის კარიერაზე ყვება.