სალომე გოგიაშვილს დიდი ხანია არც ტელევიზიაში წაუყვანია გადაცემა, არც რადიოში, არც ტელეშოუებში ჩანს ხშირად, მაგრამ ყოველთვის ყურადღების ცენტრშია. მისი პირადი თუ საქმიანი ცხოვრება ყოველთვის იწვევს ინტერესს. ბოლო დროს ეს ინტერესი კიდევ უფრო გამძაფრდა, რადგან პრეზიდენტობის კანდიდატ სალომე ზურაბიშვილის საარჩევნო კამპანიაში აქტიურადაა ჩართული.
– ბოლო პერიოდში პოლიტიკურად ძალიან აქტიური ხართ. ეს რამ განაპირობა?
– ამას პოპულარობის გამო არ ვაკეთებ. აქტიური ვარ იმისთვის, რომ ძველი, სისხლიანი რეჟიმი არ დაბრუნდეს. არ მიყვარს უტიფარი, დემაგოგი ადამიანები, რომლებიც იყვნენ “ნაციონალების” ხელისუფლებაში.
– რა მოგწონთ დღევანდელი ხელისუფლების მუშაობიდან და რა არა?
– ბევრი შეცდომა დაუშვეს.ბევრმა არასწორად გააკეთა თავისი საქმე, ვიღაცები გამოუცდელობის გამო ცუდად წარუძღვნენ საქმეს, მაგრამ დღეს მე არ მეშინია ტელეფონზე ლაპარაკის, ჩემი აზრის გამოთქმის. არ მეშინია, რომ ვიღაც ღამით დამადგება თავზე და მთელ ჩემს ქონებას გადაიფორმებს.
ქართველი ადამიანის ყველაზე დიდი მინუსი უმადურობაა. ის დრო რომ დააბრუნო, ის ადამიანები, რომლებსაც დღეს პრეტენზიები აქვთ, გაბედავდნენ სტატუსების ასე თამამად წერას ან ხმის ამოღებას?..
– ყოფილი პრემიერი ბიძინა ივანიშვილი ადრე ძალიან დაგეხმარათ, რომ ბინა არ დაგეკარგათ. ეს ფაქტორიც თამაშობს გარკვეულ როლს თქვენს პოზიციაში?
– არამარტო მე, მთელ საქართველოს ეხმარება, მაგრამ ბევრმა უცებ ყველაფერს გადაუსვა ხაზი. ამ ადამიანმა ხელი გამიმართა, დამეხმარა… ბიძინა პოლიტიკაში იქნება თუ მარსზე გაფრინდება, სადაც დავჭირდები, იქ ვიქნები და ბოლომდე გავყვები, გვერდით დავუდგები, როგორც შემეძლება…
თუ როგორია სალომე გოგიაშვილის პირადი ცხოვრება, ქმართან, ბიზნესმენ ვახო ნიკოლაიშვილთან და ოთხ შვილთან ურთიერთობა, მართლაც აქვს თუ არა უდარდელი ცხოვრება და ა.შ., იხილეთ ჟურნალ “სარკის” მიმდინარე ნომერში