11 ნოემბერს ყოფილი პრემიერმინისტრის, ბიძინა ივანიშვილის ვაჟის ქორწილი იყო. ბერა ივანიშვილმა და ნანუკა გუდავაძემ ჯვარი სვეტიცხოვლის საკათედრო ტაძარში დაიწერეს. ბერას მეჯვარეები მისი უმცროსი ძმა ცოტნე ივანიშვილი და რეპერი ამიკო ჯანელიძე იყვნენ. სადღესასწაულო ცერმეონიალთან დაკავშირებით, სვეტიცხოვლის ტაძარი ყვავილებით იყო მორთული და ტაძრის ტერიტორიაზე უსაფრთხოების ზომები მაქსიმალურად იყო გამკაცრებული.
ჯვრისწერის შემდეგ ქორწილი კოჯორთან მდებარე დასასვენებელ კომპლექსში, ბიოლი ჰოლში გაიმართა. ქორწილისთვის მთლიანი კომპლექსი უამრავი ყვავილით იყო მორთული.
არსებული ინფორმაციით, მხოლოდ ყვავილებისთვის ნახევარი მილიონი დაიხარჯა. რესტორანში ნანუკა გუდავაძე ულამაზესი ცისფერი კაბით წარდგა. სტუმრებს შორის ყოფილი პრემიერმინისტრი ირაკლი ღარიბაშვილი და თბილისის მერი კახა კალაძე მეუღლეებთან ერთად იმყოფებოდნენ. ქორწილში რამდენიმე სიმღერა ბერამაც შეასრულა.
ამბები.ჯი