10 წლის ბავშვი: ,,გამოსავალი ერთია, მამამ თავი უნდა მოიკლას”

10 წლის ბავშვი: ,,გამოსავალი ერთია, მამამ თავი უნდა მოიკლას"10 წლის გრიგოლ ესებუა თავისი ოჯახის გასაჭირზე წერს და ბანკის მმართველებს მიმართავს, სახლიდან არ გამოასახლონ და ქუჩაში ცხოვრებისთვის არ გაწირონ:

,,პლანეტის მილიონრებს – მე ვარ გრიგოლ ესებუა 10 წლის,ვცხოვრობ საქართველოში,ქალაქ ფოთში თამარ მეფის 71 ; მამა ბადრი (ბაჩუკი) ესებუა 62 წლის, დედა 57 წლის (დიასახლისი).

მამა მუშაობს დროებითი ხელშეკრულებით ფოთის ნავსადგურში 2018 წლის მაისიდან, მანამდე აქვე მუშაობდა მუდმივ შტატში უფრო მაღალი ხელფასით (27 წლის მუშაობის სტაჟით).

მამამ 2013 წელს ,,ვითიბი” ბანკიდან გამოიტანა იპოთეკური სესხი 19 500 დოლარის ოდენობით, როცა დოლარი 1,65 იარი ღირდა (სესხი 10 წლიანია, დასაბრუნებელია 36 000 დოლარი). თავი ფული დარჩენილი აქვს 16 900 $. მამა ყოველთვე იხდიდა 292 $.მამას აგრეთვე ,,ტაო პრივატ” ბანკის 35000 ლარი ჰქონდა ვალი.

დოლარის კურსის მატებისა და ხელფასის შემცირების გამო მამამ ვალის გადახდა ფიზიკურად ვერ შეძლო. მას ფული მხოლოდ ,,ვითიბი” ბანკისთვის ჰყოფნიდა. 2018 წელს მამას ხელფასი ,,საქართველოს ბანკმა” დაუყადაღა 2019 წლის ივნისამდე. 3500 ლარში ,,საქართველოს ბანკი” 10 000 ახდევინებს (თავი ფული 35000 ლარი გადახდილი აქვს).

ხელფასის ნაწილი ,,საქართველოს ბანკს” მიაქვს 641 ლარი, ხოლო ,,ვითიბი” ბანკს 513 ლარი. საუბედუროდ, ეს თანხა ,,ვითიბი” ბანკს არ ყოფნის ,არსებობაზე ლაპარაკი ზედმეტია.

მე მინდა, მივმართო ,,საქართველოს ბანკის” მმართველს: არ გრცხვენიათ, ქუჩაში რომ მტოვებთ? მამას ამდენ პროცენტს ახდევინებთ, მაშიმშილებთ. როგორ აზიდავთ ცოდვას უფალთან, რას ეტყვით ყველაზე დიდ მსაჯულს.

,,ვითიბი” ბანკში 18000$ გადახდილი აქვს, მაგრამ ორჯერ რეორგანიზაციის გამო ეს თანხა არ ეთვლება. ახლა ყადაღის გამო ვერ გადაიხადა და დაგროვდა 570 $, თუ ამ თანხას ორ კვირაში არ გადავიხდით, სახლიდან გაძევება გვემუქრება. მე წასასვლელი არსად მაქვს. სად ვიცხოვრო, როგორ ვიარსებო, რა უნდა ქნას ჩემმა ასაკოვანმა მშობლებმა.

მე-5 საჯარო სკოლის მოსწავლე ვარ, კარგად ვსწავლობ. მინდა, ასე ბეჯითი მოსწავლე ვიყო, მაგრამ სად ქუჩაში? გამოსავალი ერთია, მამამ თავი უნდა მოიკლას, მაშინ სახლიდან არ გაგვყრიან. მამის სიცოცხლის სანაცვლოდ მიღებული სისხლიანი სახლი არ მინდა! ხის სახლი, რომელიც 100 წლისაა, ავარიულ მდგომარეობაშია.

მე, გრიგოლ ესებუა, კეთილ ადამიანებს გთხოვთ, გევედრებით, დამეხმაროთ თანხა (თვიური გადასახადი 292$) ივნისის თვემდე. მე სწავლას გავაგრძელებ, გავიზრდები ღირსეული ადამიანი და თქვენს ვალს აუცილებლად დაგიბრუნებთ. ოღონდა ახლა არ გამწიროთ ქუჩისათვის. გთხოვთ.

VTB ბანკის ანგარიში GE58VT0600000958743601 ბადრი ესებუა. ტელეფონი 595 96 56 95″.

დატოვეთ თქვენი კომენტარი

ახალი დამატებული

sarkenews.ge © 2017-2018