გუშინ ყაზბეგში სალომე ზურაბიშვილის ვაჟის ულამაზესი ქორწილი გაიმართა, რომელსაც უამრავი ფრანგი სტუმარი და ცნობილი ქართველები ესწრებოდნენ.
ქალბატონმა სალომემ ქორწილის ამსახველი ფოტოები და ვიდეო გაავრცელა. ასევე გაასაჯაროვა ქორწილის ფოტოები ნიკუშა შენგელაიას მეუღლემ, ეკა ჭიჭინაძემ. იგი ქორწილით აღფრთოვანებულია.
– ქორწილი იყო ძალიან ლამაზი და მხიარული, ქართული წესებით. ფრანგები აღფრთოვანებულები იყვნენ საქართველოს ბუნებით და ძალიან მოეწონათ ქართული ტრადიციები! ჩოხები ძალიან უხდებოდათ!
სალომე ძალიან ბედნიერი და გახარებულია! პატარძალი – კონსტანსა, ფრანგი ფრანგია, – ასე ეძახდა ნამდვილ ფრანგებს ხუმრობით სალომეს დედა, ქალბატონი ზეინაბ კედია…
წყვილმა ჯვარი ყაზბეგში, გერგეთის სამებაში დაიწერა. პარიზელმა და ქართველმა მოძღვრებმა დაწერეს ჯვარი.
როგორც ცნობილია, ქალბატონი სალომეს შვილები – ქალ-ვაჟი, ქეთევან და თემურ გურჯისტანები, საფრანგეთში, პარიზში გაიზარდნენ. იქ, სადაც დაიბადა და გაიზარდა მათი დედა, ქართველი ემიგრანტების ოჯახში. ქალბატონ სალომეს შვილები პირველ მეუღლესთან შეეძინა. ისინი გამართულად საუბრობენ ქართულად.
-მყავს ვაჟი თემური და გოგონა ქეთევანი. თემურიც დიპლომატიურ გზას გაჰყვა. ნიუ იორკში ცხოვრობს და გაერო-ს მისიაში მუშაობს. ქალიშვილმა კი ჩემი ახალგაზრდობის დროინდელი ოცნება აისრულა – პარიზში, ფრანგულ საერთაშორისო ორენოვან ტელევიზიაში მუშაობს. საინფორმაციო გამოშვებისთვის სიუჟეტებს ამზადებს და სპორტული ნაწილის წამყვანია, – ამბობს ზურაბიშვილი ერთ-ერთ ინტერვიუში.
მშობლები.ჯი
ფრანგები ჩოხებით 👌🏻
Gepostet von Eka Chichinadze am Samstag, 4. August 2018