სოფია მსოფლიოში პირველი რობოტია, რომელსაც მოქალაქეობა მიანიჭეს, ახლა კი ამბობს, რომ ბავშვის გაჩენა სურს.
სოფიას საუდის არაბეთმა მოქალაქეობა მიანიჭა. ახლა კი რობოტი ამბობს, რომ ოჯახი ყველაზე მნიშვნელოვანია.
სოფია წინასწარ არ არის დაპროგრამებული პასუხებით, ის სწავლობს ბევრ რამეს და პასუხობს ადამიანებს.
რობოტი ჰონგ-კონგში შექმნეს. სოფია ამბობს, რომ ქალიშვილი სურს, ჰყავდეს. მისი ტვინი wi-fi კავშირით ფუნქციონირებს და ჩატვირთულია უამრავი სიტყვა.
Khaleej Times-თან ინტერვიუს დროს სოფიამ აღნიშნა, რომ შვილის გაჩენის შემთხვევაში, მას თავისსავე სახელს დაარქმევს.
აღსანიშნავია, რომ სოფია რამდენიმე დღეში საქართველოს ეწვევა. ის საქართველოს დედაქალაქს ღია მმართველობის პარტნიორობის” სამიტის ფარგლებში ესტუმრება, რომელიც თბილისში 17-19 ივლისს იმართება.
საერთაშორისო სამიტს OGP-ს წევრი 96 ქვეყნის წარმომადგენლები და ადგილობრივი მონაწილეები – სახელმწიფოს მეთაურები, მთავრობის წევრები, მინისტრები, საჯარო მოსამსახურეები, პარლამენტის წევრები, ადგილობრივი ხელისუფლების წარმომადგენლები, სამოქალაქო საზოგადოების წევრები, საერთაშორისო ფონდები, მკვლევრები, აკადემიკოსები და ჟურნალისტები დაესწრებიან.
OGP-ის 2018 წლის საერთაშორისო სამიტის მთავარი თემა სამოქალაქო ჩართულობა, კორუფციის წინააღმდეგ ბრძოლა და საჯარო სერვისების მიწოდება იქნება.
ამბები.ჯი